یادکردن قوربانیەیل ئەنفال لە نوگرە سەلمان
شەفەق نیوز/ لە ٣٤مین ساڵیاد قوربانیەیل تاوان ئەنفال، بڕیگ لە کەسوکارەیل قوربانیەیل ئەنفال، لە شۊن ئەنفالكریایل لە نوگرە سەلەمان گردەو بۊن، ک یاد ئەو تاوانە کردن.
شوان محمد پەرلەمانتار پارتی و نۊنەر گەرمیان لە پەرلەمان عراق، وەگەرد بڕیگ لە کەسوکارەیل قوربانیەیل ئەنفال لە زیندان نوگرە سەلمان لە پارێزگای موسەنا ئەرا ساڵیاد ئەنفال گردەو بۊن.
شوان محمد لەو گردەوبۊنە وت: گەل كورد لە 100 ساڵ گوزەشتە وەدەس حكومەتەیل عراق کەفتە وەر دەیان و سەدان ئەشكەنجە، و یەکیگ لەو سیاسەتە وەحشیەگەرییە بریتی بۊ لە تاوان ئەنفال ک لەلی خوازیە بڕەسێدە لەناوبردن و سڕینەوەی گەل كورد، ”ئێمە هاتیمنە بۊشیمن ک لەی بیاوانە هەزاران ژن و مناڵ ئیمە وەناحەق شەهید کریانە“.
وتیش ”وەخاتر چەواشەكردن مسەڵمانەیل و دەوڵەتەیل عەرەبی و ئیسلامی“، تاوانەگەی وەناو سورەت ئەنفال کرد.
