شاندیگ لە هەرێم کوردستان روفات ١٧١ ئەنفالکریای گلەو دەێد

شەفەق نیوز/ بڕیارە شاندیگ لە وەزارەت شەهید و ئەنفاڵکریایەل سەردان بەغداد پایتەخت کرد، تا روفات ١٧١ کەس لە قوربانیەیل ئەنفال گلەو بیەن. 

عادل ساڵح وەڕیەوبەر راگەیانن و پەیوەندیەیل لە وەزارەتەگە ئەرا رووژنامەوانەیل وت: بڕیارە وەینزیکە شاندیگ لە وەزارەتەگە وە سەرۆکایەتی جینشیژ وەزیر و ئەندامیەتی بڕیگ لە وەڕیەوبەرەیل گشتی،  و وەرپرسەیل وەڕیەوبەرایەتیەیل وەزارەتەگە سەران پزشک دادوەری لە بەغداد، و دامەزراوەیل شەهیدەیل، و چەن فەرمانگەیگتر بکەن.  

وتیش ئی سەردانە وەخاتر گلەوداین روفات قوربانیەیل ئەنفال تیەێد، ک لە بیاوان سەماوە لە ساڵ ٢٠١٩ پەیا کریان، وتیش: شمارەیان ١٧١ روفاتە.