کوشتن مناڵیگ و زەخمداربوین کەسەیلیگ وەتەقینەوەیگ لە دیالە
2021-01-29T10:05:28+00:00
شەفەق نیوز/ وەرپرسیگ حکومەتی خۆجێی لە پارێزگای دیالە، ئمڕوو جمعە، خەوەردا لە کوشتن مناڵیگ و زەخمداربوین ٤ کەس وە تەقینەوەی بومبیگ لە جیماگەیل تەقەمەنیەگان لەدەورگرد ناحیەی جەلەولا.
ئەحمەد زەرگووش جینشین وەڕێۆبەر ناحیەی جەلەولا ئەرا ئاژانس شەفەق نیوز وت: گولەی هاوەنیگ لە جیماگەیل جەنگ، تەقیە بان بڕیگ مناڵ لەمەوقەی بازیکردنیان، ک لەلای خوەیانەو پارچە ئاسنیگە لە ناوبەین گەڕەکەیل وەحدە و تەجنید لە دەورگرد جەلەولا، ک بویە هووکار کوشتن مناڵیگ و زەخمداربوین ٤ کەس.
وتیش؛ گولەی هاوەنەگە لە جیماگەیل داعش بویە لەمەوقەی داگیرکردن ناحیەگە لە ساڵ ٢٠١٤، و ئاماژە کرد ک هێزیگ ئەمنی رەسیە شوون رووداوەگە و قوربانیەگە وەرەو پزشک دادوەری بریا، و زەخمدارەگان ئەرا خەسەخانە بریان.
