کوشیان و زەخمداری ٥ کەس وە رویداوەیلیگ جیاجیا لە دیالە

سەرچەوەگە ئەرا ئاژانس شەفەق نیوز وت: سێ کەس لە یەک خیزان لەبان ری خاڵس - بەغداد لە ئەنجام پلیان ماشینەگەیان گیانیان لەدەس دان.

وتیش: ئەو قوربانیەیلە لەڕی گلەوخواردن بوینە لە زیارەت چلەی ئیمام حسێن هاتنەسەو، و تەرمەیلیان ئەرا پزشک دادوەری بریا و لێکۆڵینەوە لە رویداوەگە واز کریا.

لە رویداویگ ترەک، یەک مەدەنی وە پلیان ماشینەگەی لەبان ری حەمرین گیانی لەدەسدا.

لە رویداو سێیەم، کەسیگ زەخمدار سەختیگ بوی، دویای لەیەکداین ماتوورسکڵەگەی وەگەرد ماشینیگ ترەک لەبان رییگ ئاوایی، لە باشوور قەزای بەلەدروز.