کوشیان و زەخمداری ٨ کەس وە دوو رویداو هاتوچو لە زیقار
2023-03-07T11:02:15+00:00
شەفەق نیوز/ سەرچەوەیگ ئەمنی لە پارێزگای زیقار، ئمڕوو سێشەممە، خەوەردا لە کوشیان و زەخمداری ٨ کەس وە دوو رویداو جیاجیا لە پارێزگاگە وەماوەی ساعەتەیل گوزەشتە.
سەرچەوەگە ئەرا ئاژانس شەفەق نیوز وت: یەکەم رویداوەگە کەفتە ناوبەین دوو ماشین ساڵۆن لەبان ری ناوبەین شەترە و ناسریە بویە هوکار زەخمداری ٦ کەس، و زەخمدارەیل ئەرا خەسەخانە بریان.
سەرچەوەگە وتیش: دویەم رویداوەگە لە باشوور شار ناسریە لەناوبەین ماشینیگ پیکاب و ماتۆرسکڵیگ بوی، ک رویداوەگە بویە هوکار زەخمداری رانندەی ماشینەگە، و کوشیان کوتپڕی رانندەی ماتۆرسکڵەگە.
