وەماوەی ٢٤ سەعات.. کوشیان و زەخمداری ١٣ کەس وە رویداوەیل هاتوچو لە ٣ پارێزگای عراق

وەماوەی ٢٤ سەعات.. کوشیان و زەخمداری ١٣ کەس وە رویداوەیل هاتوچو لە ٣ پارێزگای عراق
2022-11-15T07:08:14+00:00

شەفەق نیوز/ وەڕێەوبەرایەتی هاتوچو گشتی، ئمڕوو سێشەممە، کوشیان و زەخمداری ١٣ کەس وە رویداوەیل هاتوچو راگەیان ک وەماوەی ٢٤ ساعەت گوزەشتە لە سێ پارێزگا روی دانە.

وەڕێەوبەرایەتیەگە لە بەیاننامەیگ رەسیە ئاژانس شەفەق نیوز وت: رویداو لەیەلدان لە پارێزگای دیوانیە لەبان ری شافعیە کەفتە ناوبەین ماشینیگ تۆیۆتا پیکاب گرێت ووڵ، و ماشینیگ هیۆندای تۆیان و ماشینیگ باجیۆ لەوەر تون رانین نا وریایی، ک بویە هووکار کوشیان دوو کەس.

بەیاننامەگە وتیش: لە پارێزگای سەڵاحەدین، نزیک ناوچەی پیشەسازی، رویداویگ هاتوچو کەفتە ناوبەین دوو ماشین، یەکەمیان تۆیۆتا پیکئاب هایلۆکس، ودویەمەگە کیای سیدۆنا، لەوەر دەرچگن وەرەو جادەی سەرەکی وەبی نووڕستن لە چووڵی جادەگە ونا وریایی، ک بویە هووکار کوشیان یەک کەس.

هەمیش لە سەڵاحەدین، بەیاننامەگە باس توومارکردن رویداو لەیەکدان کرد لەبان ری بەغدا- مووسڵ نزیک ناحیەی حەجاج ناوبەین ماشینیگ تۆیۆتا هایلۆکس و ماشینیگ مارکەی ئەلەنترا، دیاری کرد ک رویداوەگە لەوەر رەدبوین هەڵە وەبان جادەی گشتی بویە، ک بویەسە هووکار زەخمداری هەفت کەس.

بەیاننامەگە وتیش: رویداویگ هاتوچو لە پارێزگای میسان لەبان ری عمارە – مشەرەح کەفتە ناوبەین سێ ماشین، یەکەمەگە کەیای بارهەڵگر، وئەوەکە هۆندای تەکسی، و سێیەمەگە هۆندای ئەلەنترا، لەوەر دەوردان هەڵە ونا وریایی ک بویە هووکار زەخمداری دوو کەس، هەمیش رویداو پلیان ماشینیگ لە پارێزگای میسان لەبان ری میسان – واست قەزای عەلی غەربی لەلایەن ماشینیگ مارکەی سەمەند لەوەر تون رانین و تەقیان تایەر وەردەم ک ماشینەگە لەدەس رانندە دەرچگە و لەکار ریەگە پلیایە، و بویە هوکار کوشیان یەک کەس.

Shafaq Live
Shafaq Live