وە رویداوەیل هاتوچو.. کوشیان و زەخمداری ٧ کەس لە سێ پارێزگا
سەرچەوەیگ لە پارێزگای میسان ئەرا ئاژانس شەفەق نیوز وت: چەکدارەیلیگ نەناسریاگ کابرایگ لە ناوچەی جدیدە نزیک دوکانەیل بڕ فرووشتن ناوڕاس میسان وە گولە کوشتن، دیاری کرد ک زانیاریەیل سەرەتایی نشان دەن ک رویداوەگە تاوانی بویە.
لە پارێزگای زیقار، سەرچەوەیگ ئەمنی ئەرا ئاژانس شەفەق نیوز وت: ٥ سەرباز وە پلیان ماشینیان لەبان ری گشتی ناوبەین شەترەی رفاعی و قەزای نەسر باکوور زیقار زەخمدار بوین.
خود سەرچەوەگە وتیش: کەسەیلیگ نەناسیاگ پەلامار سەختیگ لەماڵ کابرایگ وە بومبیگ دروسکریاگ و گولە واران لەناوچەی ئەبو سەبع لە ناوچەی عکێکە باشوور شار ناسریە جیوەجی کردن، ک زەردەیل گەورەیگ رەسانە ماڵەگە وەبی زەخمداری کەسیگ.
لە بەغداد، سەرچەوەیگ ئەرا ئاژانس شەفەق نیوز وت: کابرایگ وە گولەی کەسەیلیگ نەناسیاگ لەناوچەی زەیونە زەخمدار بوی، و چەکدارەیل وەرەو شوینیگ نادیار واین، و زەخمدارگە ئەرا خەسەخانە بریا، و لێکۆڵینەوە ئەرا رەسین وە بندروس رویداوەگە واز کریا.
