کوشیان ئەفسەریگ لە سوپا و زەخمداری 8 مەدەنی وە دوو رویداو هاتوچو لە موسڵ و میسان
2022-09-28T08:27:50+00:00
شەفەق نیوز/ دوو سەرچەوەی ئەمنی، ئمڕوو چوارشەممە، خەوەردا لە مردن ئەفسەریگ لە سوپا و زەخمداری هەشت مەدەنی وە رویداو هاتوچو لە دوو پارێزگای نەینەوا و میسان.
سەرچەوەگە وە ئاژانس شەفەق نیوز وت، شەوەکی ئمڕوو، رویداویگ هاتوچو لە مابەین ماشینیگ بارهەڵگر سەردکەرەوەیگ و ماشینیگ تایبەت لە بان ری شەنگال-موسل رویدایە، و بویەسە هووکار زەخمداری مولازم یەکەمیگ لە سوپا و زەخمداری سێ مەدەنی.
هەمیش لە میسان باشوور عراق، سەرچەوەیگ ئەمنی وە ئاژانس شەفەق نیوز خەوەردا، ماشین بارهەڵگریگ خوەی کیشایە وە دوکانیگ بازرگانی لە ناوچەی ئەبوو رومانە لە ناوراس پارێزگاگە، لەئەنجام پەنج مەدەنی زەخمدار بوینە.
