١٢ کەس کوشتگە.. دەسگیرکردن وەرپرس گەوراترین چەتەی تاوانکاری
2021-01-26T10:45:44+00:00
شەفەق نیوز/ وەزارت ناوخۆ، ئمڕوو سێشەممە، راگەیان دەسگیرکردن وەرپرس گەوراترین چەتەی تاوانکاری لە پارێزگای میسان.
وەزارەتەگە لەبەیانامەیگ ئمڕوو وت: هێزیگ لە پۆلیس پارێزگای میسان، توێنست وەرپرس گەوراترین چەتەی تاوانکاری لە پارێزگاگە دەسگیر بکەێد، وەتایبەت لە قەزای مەیمەونە وناحیەی سەلام، ک دەسیان هاناو کارەیل کوشتن و بارکردن و وەناو ماڵ چگن و چزداین، و هەمیش تەقەلای پەلامارداین یەکیگ لە ئەفسەرەگان لە پارێزگاگە داگە.
وتیش: خوەی و وەگەرد چەکەگەی ک ١٢ کەس وەپی کوشتگە دەسگیر کریا.
وەزارەتەگە ئاماژە کرد ک ئی ئۆپراسیۆن جیوازە لە تەواوکردن ئەو ئەرکەیلە تیەێد ک پۆلیس پارێزگای میسان جیوەجییان کەێد، ئەرا وەشوونکەفتن داواکریایەگان.
