لەبان قەور گلەوخواردنە... مردن و زەخمداری 14 کەس وە رویداو هاتوچوو لە زیقار
2023-01-13T12:07:42+00:00
شەفەق نیوز/ سەرچەوەیگ ئەمنی لە پارێزگای زیقار، ئمڕوو جومعە، خەوەردا لە مردن و زەخمداری 14 هاوڵاتی لە خەڵک قەزای چبایش وە رویداو هاتوچو لە خوەرئاوای پارێزگاگە.
سەرچەوەگە وە ئاژانس شەفەق نیوز وت، " 14 کەس ک چگنە ئەرا بەشداریکردن لە خاک ناین تەرم ژنیگ خەڵک قەزای چبایش لە باشوور شار ناسریە، لەبان ری ناودەوڵەتی گەشتاگەیان ئەرا نەجەف ئاڵشت بوی ئەرا لەخاک ناین کارەسات گەپیگ، ک وە لەیەکدان ماشینیان وەگەرد بارهەڵگریگ کۆتایی وەپیهات لەبان ری خێرای ناودەوڵەتی خوەرئاوای پارێزگاگە.
سەرچەوەگە وتیش،" لە رویداوەگە 7 کەس دەسوەجی گیان لەدەسدان و 7یش زەخمدار سەختیگن، ئەرا نزیکترین خەسخانە کلکریانە، وتیش" لەناو کووچ کردگەیل هاوسەر مردگەگەس و کوڕەگەی وەگەرد کوڕە مەمویەیلی و کەسوکار نزیکتری".
