کوشیان ٣ مەدەنی وە رووداوەیل جیاجیا لە عراق
شەفەق نیوز/ دوو سەرچەوەی ئەمنی لە بەغداد و هەسرە، ئمڕوو شەممە، خەوەردان لە کوشیان سێ مەدەنی وە رووداوەیلیگ جیاجیا لە مرافەیلیگ رەسینە وەکارهاوردن چەک، و نادیاری لە کوشیان یەکیگیان.
سەرچەوەیگ ئەمنی لە بەغداد ئەرا ئاژانس شەفەق نیوز وت: ناکۆکییگ لەناوبەین دوو بنەماڵە لەنزیک ری عەمشە لە قەزای تارمیە، رەسیە وەکارهاوردن چەک چەرمگ و سسوک، ک بۊیە هووکار کوشیان یەکیگیان.
و دیاری کرد ک هێزیگ ئەمنی دەسوەردان کرد تا مرافەگە یەکلاوە بکەێد و دەورگرد شۊن رووداوەگە گرد تا مرافەگە دووارە نەوود.
لە خود باوەتەگە، سەرچەوەگە وتیش؛ مرافەیگ کەفتە ناونی چەن کەسیگ لە ناوچەی جسر دیالە کۆن لە باشوور بەغداد، رەسیە وەکارهاوردن دەوانچە و بۊیە هووکار کوشیان کەسیگ.
لەناوڕاس عراق وەرەو باشووری، سەرچەوەیگ ئەمنی ئەرا ئاژانس شەفەق نیوز وت: پۆلیس قەزای ئێوە قەسر ئاگاداری لە کوشیان مەدەنییگ وەرگرد، و رۊی وەرەو شۊن رووداوەگە کردن، و تەمیگ وەخۊین خەڵتان لەورا بۊی، و ژنەگەی و دووان لە برایلی لە دەور تەرمەگە بۊین.
و دیاری کرد ک تەرمەگە وەرەو پزشک دادوەری بریا، و لێکۆڵینەوە لە رووداوەگە واز کریا وەبی ناسین تاوانبارەگە.
