کوشیان مەدەنییگ و دزیکردن پویل و تەڵای ماڵیگ لە بەغداد

شەفەق نیوز/ سەرچەوەیگ ئەمنی وەرپرس، ئمڕوو یەکشەممە، خەوەردا لە کوشیان کابرایگ وە پەلاماریگ چەکدار، و دزیکردن پویل وتەڵا لە ماڵیگ، لە دوو رووداو جیاجیا لە دوو ناوچە لە بەغداد پایتەخت.

سەرچەوەگە ئەرا ئاژانس شەفەق نیوز وت: چەکدارەیلیگ تەقە لە کابرایگ مەدەنی لە مەوقەی رەدبوینی لە ناوچەی بوعێسەی سەروە کۆیە کردن ک وە کوتپڕ بویە هووکار کوشتنی.

لەی رووداوەگە، نەناسریایلیگ چگنە ناو ماڵیگ لە ناوچەی بەلەدیات و پویل تەڵای دزی کردن و واین.

سەرچەوەگە دیاری کرد ک ماڵەگە لە مەوقەی دزیەگە چووڵ بوی.