کوشیان کەسیگ و زەخمداری دووان لە مرافەیگ لە مووسڵ و (ری مەرگ) گیان بیاییگ رفنێد
2023-06-24T06:49:10+00:00
شەفەق نیوز/ دوو سەرچەوەی ئەمنی، ئمڕوو شەممە، خەوەردا لە کوشیان کەسیگ و زەخمداری دوو کەستر لە ئەنجام مرافەی زاڕووەیل لە پارێزگای نەینەوا، و کوشیان و ٤ کەس وە رویداویگ هاتوچو لەبان ری بەعقووبە - موقدادیە لە پارێزگای دیالە.
یەکیگ لە سەرچەوەیل ئەرا ئاژانس شەفەق نیوز وت: مەرافەیگ ناوەین زاڕووەیل لە گەڕەک ئیسلاح زراعی خوەرئاوای شار مووسڵ رەسیە کوشیان کەسیگ و زەخمداری ژنیگ و زەخمداری بکوشەگە، وەرجەیەگ پولیس بگرێدەی.
لە دیالە، ئەو سەرچەوەگە ئەرا ئاژانس شەفەق نیوز وت: یەک مەدەنی گیانی لەدەسدا و سێیانیش زەخمدار بوین، لە ئاماریگ سەرەتایی وە رویداو پلیان ماشینیگ لەبان ری بەعقووبە - موقدادیە.
سەرچەوەگە وتیش: گەورەی خیزانەگە (باوگەگە) گیانی لەدەسدا و ژن و مناڵەیلی تویش زەخمداری سەختیگ هاتن لە رویداوەگە، وتیش؛ تەرم قوربانیەگە ئەرا پزشک دادوەری بریا، و زەخمدارەیلیش ئەرا خەسەخانە.
