و هەڕەشەی چەک.. چەتەیگ لە دیالە دەس نەێدە بان ٩٠ مەلیۆن دینار
2021-03-01T11:22:39+00:00
شەفەق نیوز/ سەرچەوەیگ ئەمنی لە دیالە، ئمڕوو دووشەممە، خەوەردا ک دزیکردنیگ لە نووسینگەیگ پویل خەرجکردن لە دەورگرد شار بەعقوبە، لەلایەن چەتەیگ جیوەجی کریا.
سەرچەوەگە ئەرا ئاژانس شەفەق نیوز وت: کۆمەڵەیگ چەکدار چگنە ناو نووسینگەی خەرجکردن لە نزیک ناوچەی پوڵ جۆرجیەکان لە باکوور بەعقوبە، و دەسنانە بان ٩٠ مەلیۆن دینار و واین.
سەرچەوەگە وتیش؛ هێزە ئەمنیەکان رەسینە شوون رووداوەگە و لێکۆڵینەوەیگ ئەرا ئاشکراکردن ووردەکاریەکانی واز کردن، و دەزگا ئەمنیە تایبەتەکان کەفتنە شوون چەتەگە.
