وینە.. کوشیان شەش کەس لە دوو رویداو دڵتەزن لە بەغداد و سلێمانی
شەفەق نیوز/ سەرچەوەیگ ئەمنی وەرپرس، ئمڕوو چوارشەممە، خەوەردا لە کوشیان چوار کەس وە رویداویگ هاتوچو لەباکوور بەغدای پایتەخت.
سەرچەوەگە ئەرا ئاژانس شەفەق نیوز وت: چوار کەسەگە لە رویداویگ هاتوچو ناوبەین دوو ماشین یەکەمەگە مارکەی (مەرسیدس) ودویەمەگە مارکەی (چارجەر) بوی لەبان ری زوینەی شوعلە، نزیک جادەی ٦٠ لە بەغداد.
لەلای خوەییش، وەڕێەوبەرایەتی هاتوچو دەربەندیخان، کوشیان دوو کەس وە رویداویگ هاتوچو لەبان ری ناوبەین قەزای دەربەندیخان وسلێمانی راگەیان.
وەڕێەوبەرایەتیەگە لە بەیاننامیگ رەسیە ئاژانس شەفەق نیوز وت: رویداویگ هاتوچو کەفتە ناوبەین دوو ماشین لەبان ری ناوبەین سلێمانی و ناحیەی زەڕایەن نزیک ئاوای پیرک، بویە هووکار کوشیان دوو کەس.
بەیاننامەگە وتیش: هووکار رویداوەگە لەوەر ئەوە بویە ک یەکیگ لە ماشینیەیل لەوەر تونی رانینی لە رەیەگە دەرچگە.
