وینە...مردن کەسیگ و زەخمداری شەش کەس وە رویداو هاتوچو لە بەغدا
2022-12-25T08:31:02+00:00
شەفەق نیوز/ سەچەوەیگ ئەمنی ورپرس، ئمڕوو یەکشەممە، خەوەردا لە مردن و زەخمداری 7 کەس وە رویداو لە یەکداین بڕیگ ماشین لەناوڕاس بەغدای پایتەخت
سەرچەوەگە وە ئاژانس شەفەق نیوز وت، کەسیگ گیان لەدەسدایە و شەش کەسیش زەخمدارە وە رویداو هاتوچویگ ک لە شەوەکی شەفەق لە نزیک پارک زەورا لەناوڕاس بەغدا رویدا، هووکار رویداوەگە رانین وە تونی بەرزیگ بویە.
