بەغدا...ماشینیگ بارهەڵگر بوودە هوکار رویداو هاتوچو و زەخمداری چوار کەس

شەفەق نیوز/ سەرچەوەیگ ئەمنی، ئمڕوو دوشەممە، خەوەردا لە زەخمداری سەختیگ چوارکەس ک مناڵیش لە مابەینیانە وە رویداو هاتوچو و هوکارەگەی رانندەی ماشین بارهەڵگریگ بویە لە بەغدا.

سەرچەوەگە وە ئاژانس شەفەق نیوز وت، چوارکەس تویش زەخمداری سەختیگ بوینە و مناڵیش ها لە مابەینیان لە ئەنجام لەیەکداین سێ ماشین ک یەکیگیان بارهەڵگرە لە وەردەم زانکۆی فەراهیدی، سەر وە ری خێرای بەیاع وە ئاراستەی ناوبڕ ئوم تبول، دیاریکرد زەخمدارەیلە ئەرا وەرگردن چارەسەر  کلکریانەس خەستەخانە، و بارودۆخیان رخبەرە.

وتیش، هووکار رویداوەگە رەدبوین ماشین بارهەڵگرەگە بویە شیوەی نادروستیگ ک بویەسە هوکار لەیەکدان ماشینەیل و سزیان بەشیگ لە ماشینەیل، وتیش رویداوەگە گرفت هاتوچو گەپیگ دروسکردیە و وە جویریگ ک هاتوچوی ماشینەیلە وسیایە.