لە سێ پارێزگا.. خوەینشاندان و بەسیان فەرمانگەی حکومەتی و ری سەرەکی
شەفەق نیوز/ دەیان لە کارمەنەیل پاکی لە نەجەف، ئمڕوو سێشەممە، فەرمانگەی شارەوانی بەسان، دویای توومەتبارکردن وەڕیەوبەرەگە وە دزین شایستەیلیان، و ناڕەزایلیگ لە فەرمانبەرەیل ناوخۆ و وەرگری داوای گلەوداینیان ئەرا کاریان و گلەوداین شایستەیلیان کردن، و هەمیش خوەنەوارەیلیگ ناڕەزا لە سلێمانی ری سەرەکی وەرد کەرکوک بڕین، وەداوای دەرماڵە.
پەیامنێر ئاژانس شەفەق نيوز لە نەجەف وت: کارمەنەیل پاکی و فەرمانبەرەیل شارەوانی لە پارێزگاگە لە وەردەم فەرمانگەی خوەیان خوەینشاندان کردن، لەبان ئەو پشتگووشخستنە لەلایەن وەڕیەوبەر شارەوانی و توومەتبارکردنی وە دزیکردن شایستەیلیان.
پەیامنێرمان وتیش: هەڵویستەگە دویای ئەوە گەشە کرد، هەنای ناڕەزایل فەرمانگەگە وەداوای جیوەجیکردن داوایلیان بەسان.
لەلاییگتر، پەیامنێر ئاژانس شەفەق نيوز لە بەغداد وت: سەدان لەوانەگ گریەبەسییان پویچەڵ بویە لە وەزارەت وەرگری و ناوخۆ لەوەردەم دەروازەی وەزارەت دارایی لەناوڕاس بەغداد پایتەخت گردەو بوین، وەداوای خەرجکردن شایستەیل داراییان، و گلەوداینیان ئەرا دەزگایل ئەمنی.
لەلای خوەییش، پەیامنێر ئاژانسمان لە سلێمانی وت: ناڕەزایی خوەنەوارەیل لە پارێزگای سلێمانی ئەرا دویەمین رووژ لەبان یەک وەردەوام بوی، وەداوای دەرماڵەی خوەنەوارەیل کولێژ و پەیمانگایل.
وتیش: هەرلە سەرەتای دەوام خوەنەوارەیل لە وەردەم سەرۆکایەتی زانکۆی سلێمانی گردەو بوین، و هۆڵەیل خوەنستن هیشتنەجی، لە ناڕەزاییان وەبان خەرجنەکردن دەرماڵەیان لەلایەن حکومەت.
وتیش: ناڕەزایل تابلۆ بەرزەو کردن دووپات لە نواگردن دەسوەردان حزبەیل لە کار کولێژ و پەیمانگایل، و دیاری کرد ک ناڕەزایل ری سلێمانی و کەرکوک ئەرا دویەمین رووژ لەبان یەک بڕین، و بڕیگ لە رانندەیل لە بڕین ریەگە داد کردن.
