وە چەن هەفتەیگ.. جەنیڕاڵ ئەلیکتریک چوار ویستگەی کەهرەبایی لە سێ پارێزگا دروس کەێد
شەفەق نیوز/ محمد بەنودی وەڕێوبەر ئۆپۆزسیۆنەگان لە کۆمپانیای جەنیڕاڵ ئەلیکتریک ئەرا چارەسەرکەردن تووڕ وزەی عراق وخەلیج، ئمڕوو یەکشەممە، راگەیان لە هەفتەیل ئایندە چوار ویستگەی لقی لە سێ پارێزگا کەفنە کار.
بەنودی لە بەیاننامەیگ رەسیە ئاژانس شەفەق نیوز وت: دووان لەو ویستگەیلە بەشەو بوونە بەغداد و یەکیگ لە کەربەلا و یەکیگ لە بەسرە، و ئاماژە کرد ک تیمەیل کۆمپانیاگە وەردەوامن لەکار وە دەسمیەتی کادرەیل وەزارت کەهرەبا و کۆمپانیا عراقیەگان لەسای کۆڕۆنا.
وتیش؛ ئەو ویستگەیلە ئەوەسا هاوکاربوون لە دابەشکردن کەهرەبا لە ویتسگە سەرەکیەگانەو ئەرا شارەگان.
بەنودی ئاماژە کرد ک تیمەگان وەردەوامن لە کاریان ئەرا پەنج ویستگەی تر، دووان لە مووسڵ و یەکیگ لە کەربەلا و یەکیگ لە سەڵاحەدین ویەکیگ لە ئەنبار ، ک ئەوەسا لە ساڵ ئایندە ئامادەبوون ئەرا دابەشکردن وزە لە وەرز گەرم تاوسان لە عراق.
