دویای قوربانی کەفتن.. پۆلیس کەربەلا کۆنتڕۆڵ مرافەیگ هووزانە کەێد

دویای قوربانی کەفتن.. پۆلیس کەربەلا کۆنتڕۆڵ مرافەیگ هووزانە کەێد
2020-08-31T14:08:34+00:00

شەفەق نیوز/ وەڕێوبەرایەتی پۆلیس کەربەلا و دامەزراوەگان، ئمڕوو دووشەممە، راگەیان کۆنتڕۆڵکردنی لەبان ناکۆکییگ هووزانە بویە هووکار کوشتن یەک کەس و زەخمداربوین دووان تر.

بەیاننامەی وەڕێوبەرایەتیەگە ک رەسیە ئاژانس شەفەق نیوز وت: وەفەرمان لیوا ئەحمەد عەلی زوێنی فەرماندەی پۆلیس کەربەلا، مەفرەزەیل پۆلیس توێنستن کۆنتڕۆڵ مرافەیگ هووزانە بکەن لە ناوچەی سیاحی سەروە جەدوەل غەربی، ودیاریکرد ک مەفرەزەیل پۆلیس توێنستن بازنەیگ ئەمنی بچەسپنن لە دەورگرد شوون رووداوەگە ئەرا دووارەنەوین ململانەگان، ودەسوەسەرکردن هەرکەسیگ پێشێلکاری یاسا بکەێد.

بەیاننامەگە ئاماژەدا ک مرافە هووزانەگە بویە هووکار مردن یەک کەس و زەخمداربوین دووان تر، ودووپاتکرد ک فەرماندەی پۆلیس کەربەلا وەردەوامە لە ئەرکە ئەمنیەگانی ئەرا بتەوکردن ئارامی و مقەیەتی گیان هاووڵاتیەیل وچەسپانن یاسا لەبان گشتی.

Shafaq Live
Shafaq Live