پویچەڵکردن تەقەلای فرووشتن دوێەتیگ لەلایەن باوگی

شەفەق نیوز/ پۆلیس کۆمەڵایەتی لە فەرمانگەی پەیوەندیەیل و راگەیانن سەروە وەزارەت ناوخۆ، ئمڕوو پەنجشەممە، راگەیان نواگردن لە فرووشتن دوێەتیگ لە تەمەن ١٢ ساڵان لەلایەن باوگی ئەرا کەسەیلیگ لە پارێزگای هەولێر، و نشان دا ک دوێەتەگە خریا ماڵ سەرگەردانەیل لە ناوچەی ئەعزەمیە لە بەغداد پایتەخت وە فەرمانیگ دادوەری.

پۆلیس لە بەیاننامەیگ رەسیە ئاژانس شەفەق نیوز وت: لە پشت رەسین خەوەرەیلیگ لە یەکیگ لە بنکەیل پۆلیس تایبەت وە توندوتیژی خیزانی دەربارەی دوێەتیگ ١١ ساڵان لە خاوەنی وایە گوایە باوگی خوازێد بفرووشێدەی ئەرا کەسەیلیگ لە هەرێم کوردستان.

هەرلیوا، پۆلیس کۆمەڵایەتی پاڵپشتی دەروینی و هەستی ئەرا دوێەتەگە پێشکەش کرد، و پەیمان دا وە چەودیریکردن باوەتەگەی وەگەرد لایەنە پەیوەندیدارەیل تا ئەوەنە بڕیار لەلی کریەێد و متمانە لە رەوش دەروینی و کۆمەڵایەتی بکریەێد.