وە بەشداریکردن فراوانیگ ناوخوەی و ناودەوڵەتی.. پێشانگای بەغدا 47تەمین خوول خوەی وازکەێد
2024-01-10T09:29:07+00:00
شەفەق نیوز/ وەزارەت بازرگانی، ئمڕوو چوارشەممە، راگەیان پێشانگای ناودەوڵەتی بەغدا ئیوارەی ئمڕوو 47تەمین خوول خوەی وازکەێد وە بەشداریکردن 850 کۆمپانیای جویراوجویر لە 20 وڵات.
قسەکەر وەزارەتەگە محەمەد حەنوون ئەرا ئاژانس شەفەق نیوز وت، "شانشین عرەبی سعودی سپۆنسەر فەرمی کۆنفراسەگەس وە بەشداریکردن 140 کۆمپانیا".
وتیش "8 وڵات عەرەبی و 12 وڵات بیانی بەشداری لە پێشانگاگە کردنە و سعودیە و ئیمارات و ئوردن و میسڕ سوریا و عومان و فەلەستین، وڵاتە بیانیەیل پێکتێن لە ئسپانیا و هند و پاکستان و ئیندۆنیسیا و تایلەند و چیک و ئازەربایجان و فلیپین و وڵاتەیل ترەک".
دیاریکرد "پێشانگاگە ماوەی 10 رووژ وەردەوامە و لە ئمڕووە دەسوەپی کەێد لە 19 ئێ مانگە کۆتایی وەپی تێد" دووپاتکرد" ئیمە تەقەلا دەیمن لە ری پێشانگاگەو هاوبەشی راستەقینەیگ دروسبکەیمن ناوەین کەرت تایوەت عراقی و ناودەوڵەتی".
