هوشداری حکومەتی لە پیسبوین ئاو چەم فورات
2023-06-21T08:44:33+00:00
شەفەق نیوز/ وەڕیەوبەرایەتی ژینگەی پارێزگای موسەنا، ئمڕوو چوارشەممە، هوشداری لە پیسبوین ئەو ئاوە لە چەم فورات کرد ک وەناو پارێزگاگە رەد بوود، لەوەر بەرزەوبوین ئاست شووری و تەکان ئاوەڕۆی وەرەو ناوی وەبی چارەسەکردن.
یوسف سوادی جەبار وەڕیەوبەر ژینگە وت: ئاو فورات وەکەڵک وەکارهاوردن ئایەم نیەتێد، لەوەر بەرزەوبوین ئاست شووریی و ئاڵشبویەیل کیمیایی و بایۆلۆژی و فیزیایی، ک هیشت چەمەگە فرە پیسەو بوود، وەتایبەت وەگەرد زیاتر لە ١٥ جوو فڕەداین ئاوەڕۆی وەرەو ناو چەمەگە وەبی چارەسەکردن، و دیاری کرد ک کەمی ئاو لە وڵاتەگە وەگەرد زیایچگن لەبان تاقەئاوەگە وەلایەن وەزارەت سەرچەوەیل ئاوی، گشت یانە هیشتن چەم فورات لە موسەنا وەتەواوی پیس بوود، ئیجا بەدی کوالیتی ئەو ئاوە ک ئەرا ماڵەیل رەسێد، ک دی ئەرا وەکارهاوردن ئایەم وەکەڵک نیبە.
