وێنە.. ناڕەزایەتی لە چەن شاریگ یەکیگیان لە هەرێم کوردستان

وێنە.. ناڕەزایەتی لە چەن شاریگ یەکیگیان لە هەرێم کوردستان
2021-04-24T10:41:14+00:00

شەفەق نیوز/ دەیان کەس لە پارێزگایل موسەنا و زیقار ئەرا داوای کار و فەرمانبەری خۆپیشاندان کردن.

پەیامنێرەیل ئاژانس شەفەق نیوز وتن: خەڵک ناوچەیل هیلال و مەملەحە لە پارێزگای موسەنا، رییەگە وەرەو کارەگەیل چەمەنتو بڕین، و داوای دەرفەتیل کار کردن، و ئی دەرفەتەیل وە کەسەیلیگ لە پارێزگا و ناوچەیلیگ تر نەیریەن.

لە زیقار دەرچگەیل کولێژەیل ئیدارە و ئابووری لە مانگگردنیان لە وەردەم بینای پارێزگاگە لە رووژەیل رەمەزان وەردەوام بوین.

لە خود باوەتەگە؛ دەیان کەس لە لایەنگرەیل حزب شیوعی و بەشیگ لە رووشنهویرەیل خەڵک سلێمانی لە وەردەم بینای پارێزگاگە لە هەرێم کوردستان ناڕەزایەتی کردن، و داوا کردن لە مووچەیل نەوڕیەێد و کۆنتڕۆڵ گرانی نرخەیل لە بازاڕەیل بگریەێد.

عوسمان حەمە سەعید ئەندام حزب شیوعی لە کۆنگرەیگ رۆژنامەوانی ئاژانس شەفەق نیوز ئامادەی بوی وت: داوا لە حکومەت هەرێم کەیمن لە مووچەیل نەوڕیەێد و بایەدە وە تەواوی خەرج بکریەێد، لەدویای زیایبوین داهاتەیل حکومەت.

و داوای کۆنتڕۆڵکردن بازاڕەیل کرد ئەرا نواگردن بەرزەوبوین نرخەیل، چوونکە بار هاووڵاتی سەنگینەو کەێد، و نرخەیلیگ گونجیاگ دانریەن ئەرا وسانن تەمای بازرگانەیل، ک نرخ یەک قوتی شیر مناڵ رەسیە ١٢ هەزار تا ١٥ هەزار، و ئەو چشتەیل تر وە دووقاتی بەرزەو بوین.

حەمە سەعید وتیش؛ رەوشەیل ئابووری هاووڵاتییەیل خراوە، و بایەدە حکومەت وەرپرس بوود لە پەیاکردن چارەسەری ئەرا خزمەت خەڵکەگە.
Shafaq Live
Shafaq Live