هەنار دیالە وەرخودان داعش وە زیایبوین رێژەی بەرهەمەگانی کەێد

هەنار دیالە وەرخودان داعش وە زیایبوین رێژەی بەرهەمەگانی کەێد
2020-11-07T12:21:07+00:00
شەفەق نیوز/ یەکێتی کۆمەڵگەیل جفتیارەگان لە دیالە، ئمڕوو شەممە، ئاشکرای بەرزەوبوین لە رێژەی بەرهەم هەنار وە زیاتر لە ٤٠٪ کرد، لەبان رەوشەیل ئاوارەیی و کۆنتڕۆل ریخریاگ داعش لەبان فرە لە باخەیل پارێزگاگە.
رەعەد مغامس تمیمی ئەرا ئاژانس شەفەق نیوز وت: رێژەیل بەرهەم هەنار ئەرا زیاتر لە ٤٠٪ بەرزەوبوین، و خوازین پارێزگاگە و فرە لەو پارێزگاگان پڕەو کرد، وتیش؛ هیمان هەنار دیالە لە خاسیەگەی هالە وەردەم، هەرچەن هاوردەیش تیەێدە ناو.
مغامس دووپاتکرد ک دیالە هیمان لە بەرهەم هەنار هالە وەردەم، هەرچەن فرە لە باخەگان لە باکوور موقدادیە کار کەفتنە، لەوەر ئاوارەیی خاوەنەیلیان ئەرا چەن ساڵیگە لە رووداوەیل داعش و نائارامی ئەمنی.
لەلای خوەییش، عەدنان حسێن تمیمی سەرۆک ئەنجومەن هەڵوەشیاگ موقدادیە وت: ٧٩٪ لە باخەیل باکوور موقدادیە ئەرا چەن ساڵیگە لە بەرهەم هەنار وسیانە، لەوەر ئاوارەیی و هەڕەشەیل ریخریاگ داعش، و ئاماژە کرد ک هەنار موقدادیە، ک ناسریاگە وە هەنار شارەبان لە چەن ساڵیگەو وە ئاست گەورایگ نەمەنەی لە بازاڕە ناوخۆیەگان، لەوەر رەوشەیل ئەمنی و کاریگەری جەنگ دژوە داعش.
Shafaq Live
Shafaq Live