نوینەر خامەنائی رەسێدە بەغداد
وەگورەی سەرچەوەیگ ئاگادار، جیگر ڕاوێژکار ئاسایش نیشتمانی عراق، ئیسام سەعدی، پیشوازی لە ئەحمەدیان کردگە، وە ئامادەبوین محەمەد رزا حوسێنی، سەرۆک بەش وڵاتەیل هاوسا لە وەزارەت دەرەوە.
سەرچەوەگە ئەرا ئاژانس شەفەق نیوز وت: سەردانەگە ئەرە یەک رووژە، لەو ماوەی چەوی کەفێدە محمد شیاع سودانی سەرۆک وەزیرەیل عراق و وەرپرسەیل عراقی.
وەگەرد رەسینی ئەرا پایتەخت عراق، ئەحمەدیان سەردان شوین کوشیان قاسم سولەیمانی، فەرماندەی وەرین سوپای قودس و ئەبومەهدی موهەندس، جیگر وەرپرس حەشد شەعبی کرد، لەبان ری فڕۆکەخانەی ناودەوڵەتی بەغدا.
جی باسە کە قاسم ئەعرەجی ڕاوێژکار ئاسایش نیشتمانی عراق کە وە سەرۆکایەتی شاندیگ باڵای ئەمنی لە بەغداو رەسیە هەولێر، ئەرا نووڕین کاریگەرییەیل گورز ئیران، کە ناوڕاس مانگ گوزەشتە هەولێر کردە ئامانج .دویای سەردانەگە پشتڕاستیکرد کە "توومەتەیل وەئامانجگرتن بارەگایگ مۆساد لە هەولێر بی بنەمان." تەندروستی".
دویای ئەوە، عەلی ئەکبەر ئەحمەدیان، نوێنەر عەلی خامنەیی، ڕێبەر ئیران، پەیوەندییگ تەلەفۆنی وەرد ئەعەرەجی کرد و هووشداری لەوە کرد کە هەر ئۆپەراسیۆنیگ "کە ئیسرائیل لە هەر وڵاتیگەو" دژ وڵاتەگەی ئەنجام بەێد وەڵامی دەیمنەو.
سەردانەگەی لیوا ئەحمەدیان ئەرا بەغدا یەکەم سەردانیە لەو وەختەو لە مانگ حوزەیران 2023 لە جیای دەریاوان عەلی شەمخانی پۆستەگەی وەرگردیە.
