کۆڕۆنا هەڕەشەی دیالە دەێد
شەفەق نیوز/ فەرمانگەی تەندروسی پارێزگای دیالە، ئمڕوو پەنجشەممە، هوشداری خەڵکەگە لە رخ کۆڕۆنا کرد، دویای هاتن پەنجەم شەپوول لە پەتاگە و بەرزەوبوین ئاست تویشهاتنەیل ئەرا زیاتر لە ٨٠% وەچەو مانگەیل گوزەشتە.
فارس خزەیر عەزاوی ئەرا ئاژانس شەفەق نیوز وت: رێژەی تویشهاتنەیل کۆڕۆنا وەئاست ٨٠% لە شەش مانگ گوزەشتە بەرزەو بوی، ورەسیە زیاتر لە ١٠٠ تویشهاتن، لەوەختیگ لە ماوەی گوزەشتە پارێزگاگە ٥٠% لەی رێژە توومار نەکرد.
عەزاوی زوور لەبان پشتبەسان وە ریکارەیل مقەیەتیکردن لە شوینەیل گشتی و شلەونەکرن لە مقەیەتیبوین و دویرکەفتن لە تیکڵایی و گردەوبوین لە شوینەیل گشتی کرد، وتیش: رەوش کۆڕۆنا وەتەواوی کۆنترۆڵ کریایە، و شکستیگ تەندروسی وەدویر زانیمن.
عەزاوی داوا لە خەڵکەگە کرد واکسین وەربگرن ک لە گشت ناوچەیل پارێزگاگە هەس، و ئەوە تەنیا چەکیگە ئەرا نواگردن تویشهاتن و مقەیەتیکردن لە رخبەر مەرگباریگ ک سووکایەتی وەپی نیەکریەێد.
