ئەمن عراقی ژنیگ سوری دەسگیر کەێد کە خوەی جویر دکتۆر دگان ناسانیە
2023-10-31T08:29:52+00:00
شەفەق نیوز/ وەرپرسیگ حکومی لە دیالە، ئمڕوو سێشەممە، دەسگیرکردن ژنیگ سووری راگەیان کە خاوەن ناسنامەی عراقیە و خوەی جویر پزیشک دگان ناسانییە.
وەڕیوەبەر راگەیانن تەندروسی دیالە خزر عەزاوی وە ئاژانس شەفەق نیوز وت، تیمەیل وشکین لە فەرمانگەیان وە هاوبەشی وەگەرد دەزگای ئەمنی و هەواڵگیری توەنستنە ئاشکرای نووڕینگەیگ دگان بی مووڵەت بکەن کە خاوەنەگەی ژنیگ سووریە کە خوەی وە دکتۆر دگان ناسانیە لە ناحیەی جەلەولا باکور خوەرهەڵات بەعقووبە.
دووپاتکرد، ژنەگە هویچ مووڵەتیگ یان بڕوانامەیگ پزیشکی نەسرێد و خاوەن ناسنامەی عراقیە و وە شیوەی نافەرمی کار پزیشک دگان کردیە، دیاریکرد رێکارەیل پێویست گیریا ئەرا بەسانن نووڕینگەگەی و ژنەگەش ئەرا لایەنەیل یاسایی بریا تا رێکار پێویست ئەنجام بدرێد.
