سوپا شوونەیلیگ ئەرا داعش لە باکوور دیالە ویران کەێد

شەفەق نیوز/ سەرچەوەیگ ئەمنی لە دیالە، ئمڕوو شەممە، خەوەردا لە ویرانکردن چوار شوون ئەرا داعش لە ناوچەیل باکوور جەلەولا.

سەرچەوەگە ئەرا ئاژانس شەفەق نیوز وت: هێزیگ لە فیرقەی پەنجەم لە سوپای عراق، تووپواران شوونەیلیگ ئەرا داعش لە باخەیل شێخ باوە لە باکوور ناحیەی جەلەولا کرد، لە ئۆپراسیۆنەیل پاکەوکردن ئەو ناوچەیلە لە حەشارگە و لانەیل داعش ک ئەرا چەن ساڵیگ لەناویان خوەیان شارنەو.

و دووپات کرد ک تووپوارانەگە بویە هووکار ویرانکردن چوار ئامانج لە حەشارگە و دیوەخانەیل ئەندامەیل ریخریایەگە ک چشتەیل جەنگی و خواردەمەنی هاناویان.