٧ قوربانی و زەخمدارەیلیگ لە تەقەکردن ناوبەین خەڵکەگە و داعش لە دیالە

٧ قوربانی و زەخمدارەیلیگ لە تەقەکردن ناوبەین خەڵکەگە و داعش لە دیالە
2021-07-05T07:27:17+00:00

شەفەق نیوز/ سەرچەوەیگ ئەمنی لە دیالە، ئمڕوو دووشەممە، خەوەردا لە کەفتن ٥ قوربانی و دوو زەخمدار لە تەقەکردنیگ لەناوبەین خەڵکەگە و داعش لە باکوور دیالە.

سەرچەوەگە ئەرا ئاژانس شەفەق نیوز وت: ئەندامەیل داعش دوو کەس لە ئاوای (قەلعە) لە دەورگرد جەلەولا رفانن، ک هیشت باوگ رفیایەیل پەنا وە خەڵک ئاوای (ئومل حونتە) بوەێد، و خەڵکەگە کەفتنە شوین ئەندامەیل داعش تا رفیایەیل ئازاد بکەن.

وتیش؛ ئەندامەیل داعش لە دەورگرد ئاوای (سەیف سەعەد) کوڵە لە خەڵکەگە گردن، و وەناکاوەو تەقە لەلیان کردن، ک ٥ کەس لە خەڵکەگە کوشتن، و دووان تر زەخمدار کردن و ماشینەیان سزانن، و رفیایەیل لەدەسیان مەرەقەز بوین.

سەرچەوەگە وتیش؛ ئەو تەقەکردنە وەبی بەشداریکردن هێزە ئەمنیەیلە وەڕیەو چگ، تا دویای ئەوە رەسین ودەسکردنە هەڵمەتیگ وەشکین لەو ناوە.

Shafaq Live
Shafaq Live