كوشیان گەنجیگ و زەخمداری ئەندامەیل خیزانیگ وە تەقینەوەیگ لە دیالە
2022-06-10T08:26:00+00:00
شەفەق نیوز/ سەرچەوەیگ ئەمنی لە پارێزگای دیالە، ئمڕوو جومعە، خەوەردا لە مردن گەنجیگ و زەخمداری کەسەیلیگ وە تەقینەوەی بومبیگ لە باکوور ناحیەی جەلەولا باکوور خوەرهەڵات دیالە.
سەرچەوەگە وە ئاژانس شەفەق نیوز وت، گەنجیگ گیان لە دەسدایە و 4 کەس زەخمدارن لە ئەندامەیل خیزانیگ وە تەقین بومبیگ لە ری کشاوەرزی ئاوای (ئوم حونتە) لە باکوور ناحیەی جەلەولا.
وتیش، بومبەگە تەقیەسە بان تراکتۆریگ کشاوەرزی ک خیزانەگە هەڵگدوێد لە ریە کشاوەرزیەگە، دیاریکرد هیزەیل ئەمنی رەسینە شوین رویداوەگە قوربانی و زەخمدارەیلە ئەرا خەسخانە کلکردنە لە ناوچەگە دەسکردنە وە هەڵمەت وەشکین.
