مردن و زەخمدار 14 زیارەتکەر بیانی مەوقەی گلەوخواردنیان لە کەربەلا
2023-09-08T10:59:54+00:00
شەفەق نیوز/ سەرچەوەیگ ئەمنی لە پارێزگای بەسرە باشوور عراق، ئمڕوو جومعە، خەوەردا لە مردن و زەخمداری 14 زیارەتکەر بیانی جیاواز.
سەرچەوەگە وە ئاژانس شەفەق نیوز خەوەردا، " زیارەتکاریگ بەحرێنی پەنجا ساڵان مەوقەی رەسین وە دەروازەی سەفوان مردیە هەنای لەدویای تەواوکردن مەراسیم چلەی ئیمام حسێن لەوەر تێکچگن بارودۆخ تەندروسیی وە مدوو پلەی گەرمی و شەکەتی".
سەرچەوەگە وتیش،" هەمیش 13 زیارەتکەر بیانی کە لە کەربەلا گلەوخواردنە لە دویای تەواوبوین مەراسیم زیارەتکردن چلە زەخمداربوینە وە رویداویگ هاتوچوی لە خوەرئاوای بەسرە، لەئەنجام لەیەکداین ماشینەگەیان وەرد بارهەڵگر گەپیگ"، وتیش "زەخمدارەیلە وە رەگەزنامە ئەفغانی و ئیرانی و هندین، ئەرا چارەسەرکردن بریانە نزیکترین خەسخانە".
