مردن و تویشهاتن نوو وە تەو خۊنوەربۊن لە زیقار
2022-06-06T12:17:59+00:00
شەفەق نیوز/ سەرچەوەیگ پزشکی لە فەرمانگەی تەندروسی زیقار، ئمڕوو دووشەممە، خەوەردا لە توومارکردن بەرزەوبوین نوویگ لە مردن و تویشهاتن تەو خۊنوەربۊن لە پارێزگاگە.
سەرچەوەگە ئەرا ئاژانس شەفەق نیوز وت: پارێزگاگە ئمڕوو یەک مردن نوو، وەگەرد ٣ تویشهاتن نوویش وە تەو خۊنوەربۊن لە ناوچەیلیگ جیاجیا لە زیقار توومار کرد.
وتیش: گشت شمارەی تۊشهاتنەیل وە ڤایرۆسەگە تا ئیسە لە پارێزگاگە رەسیە ٥٧ بیمار، ١٤ لەلیان مردنە، و نزیکەی سی کەسیش لە بیماریەگە خاسەو بوینە.
ئمڕوو دووشەممە، وەزارەت تەندروسی و ژینگەی عراق، ئامار نوویگ لە بیماری تەو خۊنوەربۊن راگەیان.
وەزارەتەگە لە بەیاننامیگ رەسیە ئاژانس شەفەق نیوز وت: تویشهاتنەیل تەو خۊنوەربۊن رەسیە ١٤٢ بیمار، و ٢٤ بیماریش مردنە.
