پارێزگایگ عراقی بەرزەوبوین نوویگ لە مردنەیل تەو خۊنوەربۊن توومار کەێد
2022-05-09T09:41:04+00:00
شەفەق نیوز/ پارێزگای زیقار، ئمڕوو دووشەممە، بەرزەوبوین نوویگ لە مردنەیل تەو خۊنوەربۊن توومار کرد، و ٥ بیمار کەرەنتین کرد گومان تویشهاتنیان وە بیماریەگە هەس.
سەرچەوەیگ پزشکی ئەرا ئاژانس شەفەق نیوز وت: شمارەی مردنەیل وە تەو خۊنوەربۊن رەسیە ٧ کەس، دویای توومارکردن مردن ژنیگ و پیاویگ لەی نووە.
سەرچەوەگە وتیش؛ تیمەیل پزشکی ٥ کەس کەرەنتین کردن لەوەر گومان وە تویشهاتنیان وە بیماریەگە، ک نموونەیل ئەرا بەغداد کلکریا تا وەشکین تاقیگە ئەرایان بکریەێد.
