دیالە چوارەمین مردن وە تەو خوینوەربوین توومارکەێد
وەڕێوبەر خەسخانەگە ئبتسام جاسم محەمەد لە گفتوگویگ وە ئاژانس شەفەق نیوز وت " حالەت مردنەگە دویەتیگ 30 ساڵانە تویش بیماری تەو خوینوەربوین هاتیە لە ناحیەی محەمەد سەکران، وتیش، کەسە تویشبویەگە کە مردیە لە ئەنجام مەترسیەیل ئاژەڵەیل دەوروگەردی تویشبویە".
دیاریکرد، رێکارەیل ڤێتێنەری پێویست گیریەدە وەر کە بریتیە لە بەڕەنگاربوین و رشانن ناوچەی تویشهاتنەگە و قەیەغەکردن جموجویل پەسەیلە لە ناوچەی تویشهاتنەگە وە هەماهەنگیکردن وەگەرد لایەنەیل تەندروسی.
ئیەش وە چوارەم مردن دانریەد لە دیالە وەمدوو تەوخوینوەربوین یەکیگیان ئەندامیگ بوی لە سووپا کە لە دەێشت پارێزگاگە تویشهاتبوی و لە دیالە مرد، یەکیگیش دویەتیگ 17 ساڵان وەگەرد کابرایگ چڵ ساڵان.
تەو خوینوەربوین بیماریگ ڤایرۆسیە رێژەی مردن تویشبویل رەسێد ئەرا 40%، وەپای رێکخریاگ جەهانیەیل، و لە ئاژەڵەو ئەرا ئایەم گوازیەد.
