تەو خۊنوەربۊن.. دویاترین ئامارەیل ڤایرۆسەگە لە زیقار و واست
شەفەق نیوز/ سەرچەوەیگ پزشکی، ئمڕوو شەممە، خەوەردا لە بەرزەوبوین شمارەی تۊشهاتنەیل وە تەو خۊنوەربۊن ئەرا ٣٤ بیمار، لەوەخت بڵاوبوین ڤایرۆسەگە لە زیقار.
سەرچەوەگە ئەرا ئاژانس شەفەق نیوز وت: ٨ بیمار لەوەر تەو خۊنوەربۊن مردن، و شمارەی ئەو کەسەیلەگ گومان لە تویشهاتنیان کریایە رەسیە ٨٥ کەس تا شەوەکی ئمڕوو.
لەلای خوەییش، سەرچەوەیگ پزشکی لە واست ئەرا ئاژانس شەفەق نیوز وت: پارێزگای واست سێ تویشهاتن نوو وە بیماری تەو خۊنوەربۊن لە قەزای عەزیزیە توومار کرد.
جی باسە ک پارێزگای زیقار وەرجە چەن رووژیگ چەن تویشهاتنیگ وە تەو خۊنوەربۊن توومار کرد، تا بکەفێدە وەردەم ئەو پارێزگایل عراق ک هیمان فرەیان ئی بیماریە لەناویان نییە، بیجگە کەرکوک و نەجەف و موسەنا و میسان و بەسرە.
گشت پارێزگایل وڵاتەگە ریکارەیلیگ مقەیەتیکردن ئەرا نواگردن تەو خۊنوەربۊن جیوەجی کردن، هەرچەن چوینیەتی نواگردنی وەشیوەیگ تەواوی نەزانیاگە.
