زیقار... مردنەیل تەو خۊنوەربۊن ئەرا 17 کەس بەرزەو بوی
2022-06-15T07:56:49+00:00
شەفەق نیوز/ سەرچەوەیگ پزیشکی لە فەرمانگەی تەندروسی زیقار، خەوەردا لە بەرزەوبوین شمارەی تویشهاتن وە تەو خۊنوەربۊن لە پارێزگاگە ئەرا 17 کەس.
سەرچەوە وە ئاژانس شەفەق نیوز وت، لە پارێزگاگە تا ئیسە 43 تویشهاتن وە تەوخۊنوەربۊن توومارکریایە، فرەیان لە دویای خاسەوبوینیان وە تەواوی لە کەرەنتین پزشکی دەرچینە.
رێکخریاگ ناودەوڵەتی خاچ سوور وە هاوکاری وەگەرد ئیدارەی خەسخانەگە لە زیقار دەسکردنە وە هەڵمەتیگ ئەرا سنووردارکردن بڵاوبوین ڤایرۆس پەتاگە.
وەپای کۆتا سەرژمێری تەندروسی عراق، لە 11 حوزەیران 27 مردن وە تویشهاتن "تەو خۊن وەربۊن" لەسەرانسەر وڵاتەگە توومار کریایە.
