پەلاماریگ چەکدار لەبان دەرمانخانەیگ و زەخمداری ئەفسەریگ هەواڵگری لە بەغداد
2022-10-25T11:29:24+00:00
شەفەق نیوز/ سەرچەوەیگ ئەمنی، ئمڕوو سێشەممە، خەوەردا ک گرووپیگ چەکدار ١٥ مەلیۆن دینار لە دەرمانخانەیگ لە خوەرهەڵات بەغداد دزینە، و ئاشکرای زەخمداری ئەفسەریگ لە دەزگای هەواڵگری عراق وە رویداویگ هاتوچو لەناوڕاس بەغداد کرد.
سەرچەوەگە ئەرا ئاژانس شەفەق نیوز وت: گرووپیگ چەکدار چینە ناو دەرمانخانەیگ لە ناوچەی بەلەدیات، و دەرەگەی شکانن و بایی ١٥ مەلیۆن و ١٣٥ هەزار دینار دزینەز و واینە.
لەلاییگتر، سەرچەوەگە دیاری کرد ک ئەفسەریگ لە دەزگای هەواڵگری عراق، وە پلەی موقەدەم وە رویداویگ هاتوچو لەنزیک باخچەی ئەمە لە ناوچەی باب شەرجی زەخمدار بوی، ک ئەوەگ رویداوەگە کردیە خریا بەندیخانە، وتیش: باس تەقەلای کوشتن یا رەوشەیل نادیاریگ لە رویداوەگە راس نییە.
