زەخمداری مەدەنییگ وە مرافەیگ هووزانە لە دیالە
2021-06-06T08:03:41+00:00
شەفەق نیوز/ سەرچەوەیگ ئەمنی، ئمڕوو یەکشەممە، خەوەردا لە زەخمداری مەدەنییگ وە مرافەیگ هووزانە لە دەورگرد قەزای خاڵس.
سەرچەوەگە ئەرا ئاژانس شەفەق نیوز وت: چەکدارەیلیگ پەلامار گەنجیگ لەناو یەکیگ لە ئاوایەیل دەورگرد قەزای خاڵس دان و دەس سەختیگ لەلی وەشانن، و تەقە لەی کردن و گولەیگ زەخمدار پای کرد، و رەساننەی خەسەخانە.
وتیش؛ هێزەیل پۆلیس دەس وە هەڵمەتیگ مینەکردن پەلاماردەرەیل کردن و چەن کەسیگ گردن.
سەرچەوەگە وتیش؛ مرافەگە چوودەو ئەرا وەرجە سێ ساڵ، دویای کوشیان گەنجیگ لە مرافە و تەقەکردن ساڵ ٢٠١٩ لەبان پارچە زەوییگ لەناوچەی جێزانی لە دەورگرد قەزای خاڵس.
