رووادوەیلیگ لە بەغداد و ئاشکراکردن مردن پزشکیگ
شەفەق نیوز/ بەغداد پایتەخت، شەوەکی ئمڕوو سێشەممە، رووداوەیل هاتووچو و تەقەکردن و لە ناوچەیلیگ جیاجیا وەخوەی دی، و پەنج مەدەنی لەلیان بوینە قوربانی، لەوەختیگ سەرچەوەیگ ئەمنی ئاشکرای ووردەکاریەیل مردن پزشکیگ کرد لە خەسەخانەی کیندی کار کەێد وەچەقو کوشیاگە.
سەرچەوەیگ ئەمنی ئەرا ئاژانس شەفەق نیوز وت: کابرایگ وە کووڵ ماتۆڕسکڵیگ، شەوەکی ئمڕوو، مەدەنییگ لە ناوچەی شار سەدر تلان و کوشتەی
سەرچەوەگە وتیش: رووداویگ هاتووچو لەناوبەین ماشینیگ مارکەی بیجۆ، و ئەوەکە مارکەی سۆناتا لە ناوچەی لەتیفیە لەبان ری زوینەی ناودەوڵەتی وەرەو بەغداد، بویە هووکار کوشیان پیاو و ژنیک، و زەخمداری دوو ژن و دوێەتیگ.
هەمیش لە بەغداد، رووداویگ تر لەناوبەین ماشینیگ مارکەی مارسیدس وەگەرد ماتۆڕسکڵیگ لەناوچەی عەواشە لە بەغداد، بویە هووکار کوشیان خاوەن ماتۆڕسکڵەگە.
لە رووداویگ تر، چوار برا تەقە لە ئاموزای خوەیان لەوەردەم ماڵەگەی لە ناوچەی حەی تارق کردن، لەوەر مرافەیگ خیزانی، وەکوتپڕ بویە هووکار کوشتنی.
دەربارەی کوشیان پزشکیگ لە بەغداد وە چەقو، سەرچەوەیگ ئەمنی ئەرا ئاژانس شەفەق نیوز وت: پزشکەگە تەقەلای خوەیکوشتن دا، و لەناو. ماڵەکەی خوەی لە ناوچەی بنووک، مل خوەی وەچەقو زەخمدار کرد، لەوەر خراوی رەوش دەروینیی.
سەرچەوەگە لە زوان کەسوکارەیلی وت: رووداوەکە بویە هووکار زەخمداری مل پزشکەگە، و بریا وەرەو خەسەخانەی شار پزشکی و لەورا گیانی لەدەسدا.
