لە دیالە و زیقار.. سێ کوشیان وە مرافەی چەکدار و رویداو هاتوچو
شەفەق نیوز/ سەرچەوەیگ ئەمنی لە پارێزگای زیقار، ئمڕوو سێشەممە، خەوەردا لە کوشیان و زەخمداری دوو کەس لەدویای مرافەیگ لەبان تەڵیگ کارەبا.
سەرچەوەگە ئەرا ئاژانس شەفەق نیوز وت: مرافەیگ کەفتە ناوبەین دوو هاوسا لە ناوچەی مورەبەع لە قەزای دەوایە باکوور خوەرهەڵات پارێزگاگە، لەبان تەڵ کارەبای (موەلیدە) ک رەسیە جەنگیگ وە چەک.
سەرچەوەگە دیاری کرد ک مرافەگە رەسیە کوشیان گەنجیگ وە چەنگ گولەیگ، و کەسیگیش زەخمداری سەختیگ بوی، بریا خەسخانە.
لەلاییگتر، سەرچەوەیگ ئەمنی لە پارێزگای دیالە خەوەردا لە کوشیان گەنجیگ وە رویداویگ هاتوچو لە باکوور خوەرهەڵات پارێزگاگە.
سەرچەوەگە ئەرا ئاژانس شەفەق نیوز وت: گەنجیگ دویای رویداویگ هاتوچو وە ماتورسکڵەگەی وەرد ماشینیگ لەناوچەی (ساڵح ئاغا) لە دەورگرد قەزای خانەقین گیانی لەدەسدا.
سەرچەوەگە وتیش: تەرم قوربانیەگە ئەرا پزشک دادوەری بریا، و دەسەڵاتەیل هاتوچو لێکوڵینەوە لە رویداوەگە واز کردن.
