لە دیالە تا بەغداد و کوردستان: شەنگالیگ نوو خوازیمن

لە دیالە تا بەغداد و کوردستان:  شەنگالیگ نوو خوازیمن
2021-04-01T10:46:09+00:00

شەفەق نیوز/ پسپۆڕ و وەرپرسەیلیگ کورد لە دیالە، داوای جیوەجیکردن رێککەفتنیگ وەشیوەی رێککەفتن شەنگال لە ناوچە دابڕیایەکان لە دیالە کردن، ئەرا مسۆگەرکردن مافەیل ئەمنی و سیاسی و بتەوکردن ئارامی کۆمەڵایەتی ئەرا پێکهاتە سیاسییەکان.

لاپەڕەی نوویگ

سەلام شکور ک خوەی چالاکوانیگ سیاسی کوردە ئەرا ئاژانس شەفەق نیوز وت: دووارەکردن رێککەفتن شەنگال و جیوەجیکردنی لە ناوچە دابڕیایەکان لە دیالە، دابینکردنە ئەرا ئارامی کۆمەڵایەتی و بتەوکردن هاوکاری ئەمنی وسیاسی لەو ناوچەیلە ک زیان لە گرفتەیلیگ ئەمنی و سیاسی وەخوەیان دوێنن، زاقتریان نەمەنی بارەگا حزبیە کوردیەکان وەسەردەوبوین سیاسی.

شکور جەخت کرد لە دانیان بەندەیلیگ هاوسەنگی ئیداری و ئەمنی لە گشت ناوچە دابڕیایەکان بکەێد، و وازکردن لاپەڕەی نوویگ لە پێکەوەژیان لەناونی گشت پێکهاتەیل، و نۆێنەرایەتی ئیداری لە شوونە جیوەجیکردنەکان و خزمەتگوزارییەکان، لەسای خراوبوین خزمەتگوزاری ک لەناوچە دابڕیایەکان لە دیالە باوە.

داواکارییگ ئەرا کوردستان

لەلای خوەییش عەدنان مەنسور دەلو وەرپرس جیوەجیکردن مادەی ١٤٠ لە دیالە وت: کتاویگ فەرمی ئەرا حکومەت و پەرلەمان هەرێم کوردستان ئاڕاستە کردگە ئەرا واژووکردن رێککەفتنیگ هاوشیوەی شەنگال لە خانەقین و پەنج ناحیەیلی و ناوچەی قوورەتو و کۆکز.

دەلەو لە قسەیلی ئەرا ئاژانس شەفەق نیوز وت: دووارەکردن رێککەفتن شەنگال لە خانەقین و ناحیە ئیداریەکانی دەسکەفتگەیلیگ ئەمنی و خزمەتگوزاری و جەماوەری فراوانیگ ئەنجام دەێد، زاقتریان کۆتایی هاوردن وە هەڕەشە وەردەوامەکان لە ناوچە دابڕیایەکان ک وەرجە رووداوەیل ئۆکتۆبەر ٢٠١٧ نەوی، و پەیاکردن هەستیگ نیشتمانی ئەرا رکابەری و خۆبەخشی وەخاتر مقەیەتیکردن خەڵک ناوچەیلیان لەجیای وەکارهاوردن  کەرت و هێزەیلیگ لە پارێزگایل دویریگ ک جوگڕافیای ناوچە دابڕیایەکان بخەێدە مەترسیلیلیگ  ئەمنی وەبی ئەوەگ سەرچەوەیل ئەو مەترسیەیلە بزانێد.

دەلەو دووپات کرد ک ناوچە دابڕیایەکان لە دیالە ک لە سنوور کەلار دەس وەپیکەێد هەژماریان لە ٢٥٠ هەزار کەس زیاترە، ک دەرەیل ئەرا دروسکردن هێزەیلیگ مقەیەتیکردن خەڵک ناوچەگان لە گشت پێکهاتەیل واز کەێد، و وەپەیمانەیل هاوسەنگی نەتەوەیی و مەزهەبی و بتەوکردن پەیوەندی کۆمەڵایەتی لەناونی گشت پێکهاتەکان وەبی نووڕستن لە مەزهەب و نەتەوە.

وتیش؛ دووارەکردن رێککەفتن شەنگال لە ناوچە دابڕیایەکان دیالە دەرفەتیگە ئەرا کۆتایی هاوردن و چارەسەرکردن گرفتەیلیگ کەڵەکەبوی، و زاقتریان جیوەجیکردن مادەی ١٤٠ ک وە ریفراندۆم ناوچە دابڕیایەکان دەس وەپیکەێد ئەرا چگنیان ئەرا ناو هەرێم کوردستان، ک بەشیگە لە عراق، یا مەنینیان لە ژیر دەسەڵات فیدڕالی، و گشت راگان جی رێزن و ماف دیموکراتیە ئەرا گشتی.

دەلو ئاماژە کرد ک چینە گرنگە لە رێککەفتنەگە دابینکردن بەشەیل خانەقین و ناحیەیلی لە بوودجە خزمەتگوزارییەکانە، و پڕۆژەیل ئاوەدانکردنەوە ک هەمیشە ئەرا ناوچەیلیگ تر چوود، لە پشتگوشخستنیگ ئەرا ناوچە دابڕیایەکان لە پڕۆژەیلیگ لە خوار ئاست داواکردن.

Shafaq Live
Shafaq Live