لە بەغداد و دیالە.. کوشیان پیاو و ژنیگ و پەلامارداین ماڵ چالاکوانیگ سیاسی
شەفەق نیوز/ سەرچەوەیگ ئەمنی لە بەغداد، ئمڕوو یەکشەممە، خەوەردا لە کوشیان پیاو و ژنیگ وە گولەی کەسیگ پەرد بویە ناو ماڵیان لە خوەرهەڵات بەغداد، و کەسەیلیگ چەکدار نەناسریاگ پەلامار ماڵ چالاکوانیگ سیاسی لە بەعقوبە دانە.
سەرچەوەگە ئەرا ئاژانس شەفەق نیوز وت: کابرایگ پەرد بویە ناو ماڵیگ لە ناوچەی بەغداد جديدە خوەرهەڵات پایتەخت، و تەقە کرد و ژن و پیاویگ کوشت.
دیاری کرد ک هیزیگ ئەمنی روی کەرد وەرەو شوین رویداوەگە و دوو تەرمەگە ئەرا فەرمانگەی پزشک دادوەری برد، و لێکۆڵینەوە لە رویداوەگە واز کردن، وتیش: وەگورەی زانیاریەیل، بکوشەگە لەلای قوربانیەیل ناسیایە.
لەلایگتر، سەرچەوەیگ ئەمنی لە دیالە، ئەرا ئاژانس شەفەق نیوز وت: کەسەیلیگ نەناسریاگ پەلامار ماڵ چالکوان سیاسی سەیف دەهلەگی دانە، وگولە لە ماڵەگە وەشاننەز وەبی زەرەدیگ گیانی یا دارایی رفوو بوی.
وتیش: هیزیگ ئەمنی لە شوین رویداوەگە ئامادە بای، و لێکۆڵینەوە ئەرا رەسین وە بندروس رویداوەگە واز کردن، و هووکارەیل پەلامارەگە هیمان نادیارە.
