ئاشکەراکردن دو تاوان کوشتن و دەسگیرکردن تاوانبارەیل لە بەغدا و دیالە
شەفەق نیوز/ سەرچەوە ئەمنیەیل، ئمڕوو دوشەمە، کوشتن نادیار و دەسگیرکردن تاوانبارەیلیگ لە بەغدای پایتەخت و پارێزگای دیالە ئاشکەرا کرد.
وەڕێەوبەرایەتی کۆنتڕۆڵ تاوانەیل بەغدا لە بەیاننامەیگ وە شەفەق نیوز راگەیان ک هێزەیلیان لە نووسینگەی تاوان قودس توەنینە بندروس کوشتن نادیار هاوڵاتییگ لە ناوچەی تالیبیە لە خوەرئەڵات پایتەخت ئاشکەرا بکەن.
و دیاری کرد، هەر سێ تاوانبارەگە دەسگیر کریانە دۊیای قۊیلەو بۊین لە لێکۆلینەوە و رۊیوەرۊی بۊین بەڵگەیەیل ژیر دەس دان نانە وە راسی ئەنجامداین کارەگە، تاوانبار یەکەم چەوی وەبان پارەو موڵک برادەرەگەی بۊیە ( قوربانیەگە) وە ماشینەگەی مقیەتی کردیە ئەرا ئەوەی تاوانبارەگە براگەی و ئاموزاگەی وەکاربارێد ووەگەردیان رازی بوود ئەرا ئەوەگ پلان ئەرا کوشتن دابنەن دۊیاجار پەیمان بەشەوکردن پۊیلەگەی وەیەک دانە.
دیاریکرد تاوانبارەگە ماتۆریگ سەنیە وەگەرد تفەنگیگ چگە ئەرا لای برادەرەگەی لە نزیک شۊن نیشتەجی بۊینی گولەیگ تەقنێدە سەری و واێد ئەرا شۊن نادیاریگ، دووپاتکرد دۊیای قسەی تاوانبارەیل و پشتراسکردن وەلایەن یاسا ک ک تاوانەگە ئەنجام دانە، بەندکریان وەگورەی ماددەی 406 لە یاسای سزادان، ئاشکەراکردن بەڵگەیل وەردەوامە.
لە پارێزگای دیالە، سەرچەوەیگ ئەمنی وە ئاژانس شەفەق نیوز وت : هێزەیل ئەمنی تاوانباریگ دەسگیر کردن وە تۆمەت کوشتن گەنجیگ لە ئاوای سەێف سەعد نزیک ناحیەی قەرەتەپە، دۊیای سێ ساعات لە ئەنجامدان تاوانەگە.
سەرچەوەگە ئاشکەراکرد، تاوانبارەگە دەسگیر کریایە لە بنکەیگ ئەمنی ئەرا تەواوکردن لێکۆلینەوە وەگەردیا.
