ئازادکردن رفیاییگ و گردن بڕفنەیلە لە بەغداد... وێنە

شەفەق نیوز/ شانەی راگەیانن ئەمنی، ئمڕوو سێشەممە، راگەیان ئازادکردن رفیاییگ و دەسگیرکردن چوار لە بڕفنەیلە لە بەغداد پایتەخت.

شانەگە لە بەیاننامەیگ رەسیە ئاژانس شەفەق نیوز وت: زانیاری لەبان کابرایگ لڕفن لە ناوچەی حسێنیە ناوچەی (تەجاوز) رەسی، و هێزیگ لە فیرقەی پیادەی یانزەهەم وەسەرپەرشتیاری فەرماندەی بارەگای پێشکەفتگ ئۆپراسیۆنەیل بەغداد/ رەسافە، توێنست وە هەماهەنگی هەواڵگری فەرماندەی ئۆپراسیۆنەیل بەغداد چەودیری بڕفنەەیلە  بکەێد ک چوار کەسن و دەسگیریان بکەێد، ک لەناو ماشینیگ بوین، و دەوانچەی (کڵوک) و حەپ وکریستال هووشبەر و کەلەبچە وەپیان بوی.

وتیش؛ گشت بڕفنەیلە دریانە دەس لایەنە پەیوەندیدارەکان تا بکەفنە وەر سزای خوەیان.