كوشتن مەدەنییگ وە پەلامار چەکداریگ لە دیالە
2021-02-02T09:45:21+00:00
شەفەق نیوز/ سەرچەوەیگ ئەمنی لە دیالە، ئمڕوو سێشەممە، خەوەردا لە کوشتن یەک مەدەنی وەگولەی چەکدارەیلیگ نەناسریاگ لە خوەرئاوای بەعقوبە.
سەرچەوەگە ئەرا ئاژانس شەفەق نیوز وت: چەکدارەگان تەقە لە خاوەن دوکانیگ لە ناوچەی گاتوون کردن، و وەکوتپڕ کوشتنەی، ئیجا پەنا وە وایین بردن.
وتیش؛ هێزە ئەمنیەگان لێکۆڵینەوەیگ ئەرا ئاشکراکردن ووردەکاریەیل رووداوەگە کردنەو، وتەرمەگە وەرەو پزشک دادوەری بریا.
