یەک قوربانی و زەخمدارەیلیگ لە سوپای عراق وە پەلاماریگ لەلایەن داعش لە دیالە
2021-02-04T10:40:15+00:00
شەفەق نیوز/ سەرچەوەیگ ئەمنی لە دیالە، ئمڕوو پەنجشەممە، خەوەردا لە مردن یەک سەرباز و زەخمداربوین دووان وە پەلاماریگ لەلایەن داعش لە باکوور ناحیەی جەلەولا.
سەرچەوەگە ئەرا ئاژانس شەفەق نیوز وت؛ ئەندامەیلیگ لە داعش پەلامار خاڵیگ ئەمنی سەروە لیوای ٢٠ لە سوپای عراق لە ناوچەی زۆر غەسالە دان لەمەوقەی داناین ربایە و خاڵەیلیگ ئەرا رەوانگەی ئارامگردن ئاوای ئیسڵاح و ناوچەی دەورگردی.
سەرچەوەگە دووپات کرد ک رویوەڕوبینەگان و تەقەگان هیمان وەردووامن وەگەرد رەسین کەرتەیلیگ زیاتر لە سوپا ئەرا شوون پەلامارەگە.
