قەناسیگ لە باکوور دیالە گیان سەربازیگ سینێد

قەناسیگ لە باکوور دیالە گیان سەربازیگ سینێد
2020-09-12T11:24:25+00:00
شەفەق نیوز/ سەرچەوەیگ خۆجێی لە پارێزگای دیالە، ئمڕوو شەممە، خەوەردا لە کوشتن سەربازیگ عراقی وە گولەی قەناسیگ لە باکوور ناحیەی عزێم.
عەبدولجەبار عوبەیدی وەڕێوبەر ناحیەی عزێم ئەرا ئاژانس شەفەق نیوز وت: لە ناو جیوەجیکردن ئۆپراسیۆنیگ ئەمنی ئەرا لیوای چوارەم لە سوپای عراق لە ناوچەی کامپ عایشە لە باکوور ناحیەی عزێم لە سنور سەڵاحەدین سەربازیگ وە گولەی قەناس کوشیا.
وتیش؛ هێزە ئەمنیەگان کەفتنە مینەکردن ئەندامەیل داعش لە نزیک کامپ عایشە لەبنەمای زانیاریەیلیگ هەواڵگیری.
Shafaq Live
Shafaq Live