عراق ئۆپراسیۆن "تریشقەی ئاسمان" وە بەشداری ناودەوڵەتی راگەیان
شەفەق نیوز/ فەرماندەی ئۆپراسیۆنە هاوبەشەێلە ک بەرزترین دەسەڵات سوپای عراقە، ئمروو سێشەممە، ئۆپراسیۆن پاکەوکردن و ناسین ئاسمانی و زەۊی لە گشت بەشەێل ئەمنی وگشت ناوچەێل وڵات وە هاوکاری هاوپەێمان ناودەوڵەتی دەسوەپیکرد.
فەرماندەگە لە وتارەگەی ئمرووی وت: ک "ئۆپراسیۆن (تریشقەی ئاسمانی) لە گشت بەشەێل دەسوەپیکرد، کەتیبەی پەیاکردن سەر وە هێز و فەرماندەی ئۆپراسیۆن لە سوپای عراقی سەر وە گشت بەشەێل و هێزەێل و هێز کۆماندۆ سەر وە پۆلیس فیدراڵ و هێز تاکتیکی سەر وە ئاژانس هەواڵگیری و لێکۆڵینەوەی فیدراڵ لە وەزارەت ناوخوەی وە ئۆپراسیۆن خەسەوکردن چەکداری وە پشتوانی ئاسمانی لە سوپای ئاسمانی و هێز ئاسمانی و فرۆکەی هاوپەێمانی ناودەوڵەتی.
لە بەیاننامەگە وتیش؛" ئێ ئۆپراسیۆنە ئەرا وەدواچگن ئەندامەێل تیرۆرستە و قەیەغە کردن لە هەر کەسیگ سواڵ بکەێد ئەرا دەسگردن وە ئاساێش ئو ئەرا لەناوبردن خەسی تیرورسەێلە، وە نواگیری کردن لە بڵاوبۊینیان و پاکەوکردن ئەو زەۊیەێلە هانە ژیر وەرپرسیارەتیان".
