نەینەوا.. وەرجەیە سەگەیل بخوەنەی رەسینە ئەو کوورپەی فڕە دریاگە
2021-04-30T16:01:49+00:00
شەفەق نیوز/ لە کار دڵتەزنیگ، سەربازەیلیگ عراقی، ئمڕوو جمعە، پەیای کورپەیگ کردن لەناو یەکیگ لە کوپریەیل پارێزگای نەینەوا فڕە دریاگە.
سەرچەوەیگ ئەمنی ئەرا ئاژانس شەفەق نیوز وت: هێزیگ سەربازی لە سوپای عراق، کوورپەیگ لەناو یەکیگ لە کوپریەیل لەبان ری مووسڵ- محەلەبیە پەیا کرد.
سەرچەوەگە دیاری کرد ک کوورپەگە لەناو کوپریەگە فڕە دریاوێد وەبی یەک چشتیگ ناسنامەی خوەی یا ئەو کەسەیلەگ لەی شوینە هیشتنەسەی جی ئاشکرا بکەێد.
وتیش؛ سەربازەیل وە هەڕەمەکی ئەو کوورپە پەیاکردن، و دیاری کرد ک خودا خوەی ئەو مناڵە قورتار کرد، ک ئەگەر تا خوەراوا لەو شوینە بمەنیاد وەنە سەگەیل پەیای کردن و خواردنەی.
